WAKATI asasi na taasisi mbali mbali zikiwemo TGNP, TAMWA na WRP zikipinga vitendo vya ukatili wa kijinsia, hali hiyo imeonekana kutopewa mwitikio na baadhi ya familia.

Kutopewa kwa kipaumbele na kushindwa kuwachukulia hatua wanaofanya vitendo  hivyo kumetokana na Familia moja jijini Mbeya kutaka kumaliza kifamilia suala la ubakaji lililotokea hivi karibuni.

Tukio hilo lilitokea Machi 13 mwaka huu majira ya saa 11 jioni katika Mtaa wa Mapambano Kata ya Iyela wakati mtoto wa kike alipotumwa dukani na Mama yake Mzazi na kukumbwa na tukio hilo.

Mtuhumiwa wa tukio hilo ambaye ni mwanafunzi wa shule ya sekondari ya Iyela Jijini Mbeya Patrick Ndelwa(18) anatuhumiwa kumbaka Mwanafunzi wa darasa la nne mwenye umri wa miaka nane(jina limehifadhiwa) shule ya Msingi Mapambano Jijini Mbeya.

Hatua ya kufikia wazazi wa pande zote mbili kutaka kumalizana kifamilia imetokea baada ya Jeshi la Polisi kushindwa kufungua jalada la tukio hilo  tangu  Machi 14, mwaka huu lilipolipotiwa.

Aidha jalada la tukio hilo lilifunguliwa Machi 24 mwaka huu huku Polisi wakitaka yafanyike mazungumzo katika pande hizo mbili na kushindwa kuwachukulia hatua waliotenda makosa kama hayo.

Uchunguzi umebaini kufanyika kikao Machi 26,mwaka huu eneo la Mapambano Iyela kilichowakutanisha pande hizo mbili kwa nia ya kulimaliza nyumbani suala hilo huku upande wa mtuhumiwa ukidai kuwa aliyetenda kosa hilo ni yatima.

Aidha imebainika kuwepo kwa mkakati wa kumhamisha mwathirika wa tukio hilo kumpeleka Jijini Dar es Salaam kwa nia ya kupoteza ushahidi na Jalada kutopelekwa kwa Mwanasheria wa Serikali ili kukwamisha taratibu za kumfikisha mtuhumiwa Mahakamani ili kujibu tuhuma zinazomkabili.

Mama Mzazi wa mwathirika wa tukio hilo,Salome Msigwa alisema aligundua kubakwa kwa mwanae alipoanza kumuogesha Machi 13 mwaka huu majira ya saa kumi na mbili jioni na alipomuuliza alijibiwa kuwa aliyembaka ni Patrick Ndelwa ambapo alimtendea unyama huo katika kichochoro karibu ya nyumba yao.

Alisema baada ya kugundua tatizo la mtoto, alitoa taarifa kituo cha Polisi ambapo mtuhumiwa alikamatwa na mtoto kupelekwa kupimwa Hospitali ya Rufaa na kupewa Matibabu huku akitakiwa kufuatilia vipimo vingine Machi 28.

Baadhi ya wadau wamelalamikia kuongezeka kwa vitendo ya ukatili dhidi ya watoto na kwamba vimekuwa vikiongezeka Jijini Mbeya sehemu kubwa imekuwa ikichangiwa na Dawati la Kijinsia la Jeshi la Polisi kutokana na kugeuka Mahakama kuyamaliza matatizo kwa kupatanisha pande zinazotuhumiana. 
Kwa upande wake Kamanda wa Polisi mkoa wa Mbeya Ahmed Msangi amekiri kupokea tatizo hilo kwamba jeshi lake linafanyia uchunguzi suala hilo likikamilika mtuhumiwa atafikishwa mahakamani.

 

VIA- PAPARAZI

Read More »

Read More »

BAADHI YA WAFANYABIASHARA WA MJINI KAHAMA WAKIFUATILIA KWA MAKINI SEMINA KUHUSU SOKO LA KUKUZA UJASIRIAMALI (EGM) IKIWA NI KAMPENI INAYOENDESHWA NA SOKO LA HISA LA DAR ES SALAAM (DSE)

MKUU WA WILAYA YA KAHAMA BW. BENSON MPESYA AKIFUNGUA MAFUNZO HAYO KWA NIABA YA MKUU WA MKOA WA SHINYANGA BW. ALLY NASORO RUFUNGA.

 MKUU WA WILAYA YA KAHAMA BW. BENSON MPESYA AKIWA KATIKA PICHA YA PAMOJA NA MENEJA UTAFITI NA UENDELEZAJI WA SOKO KUTOKA DSE BW. MSHINDO IBRAHIM NA KATIBU WA CHAMA CHA WAFANYABIASHARA, WENYEVIWANDA NA KILIMO (TCCIA) MKOA WA SHINYANGA BI. MASELINA SAULO.

MENEJA UTAFITI NA UENDELEZAJI WA SOKO KUTOKA DSE BW. MSHINDO IBRAHIM AKISEMA NENO LA UTANGULIZI KATIKA UFUNGUIZ WA MAFUNZO HAYO.

 

BAADHI YA WAFANYABIASHARA WA MJINI KAHAMA WAKIFUATILIA KWA MAKINI MAFUNZO HAYO.

Read More »

Stori: Mwandishi wetu

WAKATI masuala ya ushoga yakipingwa kwa nguvu zote hapa nchini, skendo ya aina yake imeikumba serikali baada ya siri kuvuja kuwa mmoja wa viongozi kumi wa juu nchini ni shoga.

Taric Jumbe akitoa ushuhuda jinsi alivyofanya mapenzi na kigogo huyo.

Habari hizo za kushtua na kufedhehesha taifa ambazo zimefanyiwa kazi na dawati la Ijumaa kwa kushirikiana na kitengo cha OFM cha Global, zilitua hivi karibuni chumba cha habari kupitia kwa kijana aliyejitokeza na kueleza alivyofanya mapenzi ya jinsia moja na kigogo huyo ambaye jina lake linahifadhiwa kwa sasa.

KIJANA HUYO NI NANI?
“Mimi naitwa Taric Jumbe, nina miaka 21, nimefika hapa kutoa ushuhuda wangu kuwa nilifanya mapenzi na... (anataja jina), tulianza kuchat kwenye Facebook, akaniomba urafiki, nikamkubalia nikijua ni wa kawaida tu.

“Baadaye akaanza kunitongoza na kuniahidi fedha nyingi, nikakubali. Siku ya kwanza tulikutana Dar, Hoteli ya Serena, akanielekeza chumba alichopo (anataja namba ya chumba), nikaenda na kuwakuta walinzi wake, nilipojitambulisha wakaniruhusu kuingia chumbani kwake. Nimeshafanya naye mara tatu,” alisema kijana huyo.

JINSI WALIVYOWASILIANA
Mbali na matumizi ya mtandao wa kijamii, wanahabari wetu walitaka kujua mpaka kijana huyo anafika hotelini hapo, alikuwa akiwasiliana na kigogo huyo kwa njia gani? Jumbe akasema:

“Mwanzo nilikuwa nawasiliana naye kwa Facebook lakini tulipozoeana alinipatia namba zake za simu.”

Jibu hilo lilitoa mwanya kwa makachero wa gazeti hili kuperuzi mtandao wa simu ile ili kujua kama anayeitumia namba hiyo ni kigogo huyo au ni changa la macho.

Bila chenga ilibainika kuwa namba hiyo ni ya kigogo huyo, lakini ilipopigwa kwa lengo la kuwasiliana naye moja kwa moja, iliita bila kupokelewa na kuwafanya waandishi kuendelea na kazi ya kumhoji kijana huyo kwa kina.

Taric akiwa ndani ya Global kuelezea sakata hilo la kufanya mapenzi na kigogo serikalini.

KUHUSU MALIPO
Jumbe aliweka wazi kuwa siku ya kwanza kukutana naye alilipwa shilingi elfu themanini sambamba na ahadi kuwa wakati wowote atakapokuwa na shida awasiliane na kigogo huyo ambaye msafara wake huongozwa na pikipiki yenye king’ora na gari la polisi, kwa lengo la kuwezeshwa kimaisha.

Aliongeza kuwa kiasi kikubwa alichowahi kuhongwa ni shilingi laki tatu (300,000), huku akiainisha kwamba fedha nyingine alikuwa akipewa kidogokidogo kwa ajili ya kujikimu.

MSHANGAO MWINGINE
Mbali na kijana huyo kukiri kufanya mapenzi mara mbili na kigogo huyo hotelini, mshangao ulikuja pale alipoweka wazi kuwa mara ya tatu alimfuata kiongozi huyo nyumbani kwake ambako alishirikiana naye tendo hilo la aibu.

Waandishi walipotaka kujua waliwezaje kufanya uchafu huo nyumbani kwa kigogo huyo mwenye familia, Jumbe alisema: “Ni kweli anaishi na familia lakini nje ya nyumba yake ana ofisi, huko ndiko alikonikaribisha na kunifanyia mchezo huo.”

UPEKUZI WA MAWASILIANO
Baada ya maelezo hayo, waandishi wetu waligeukia uchunguzi wa mawasiliano ya simu na mtandao wa Facebook baina ya Jumbe na kigogo huyo ambapo walibaini kuwepo kwa mambo ya aibu kubwa.

Kwa macho maangavu, waandishi wetu walioneshwa meseji alizokuwa akituma kigogo huyo ambazo chache kati ya hizo zilisomeka: “Baby, mke wangu, honey,” huku Jumbe naye akichagiza majibu kwa mtindo huohuo hadi naye kufikia mahali pa kumwita kigogo huyo ‘mume wangu’, aibu iliyoje!

Kama hiyo haitoshi, wawili hao walifikia hatua ya kusifiana namna walivyoumbika na kupeana mapenzi motomoto na kuahidiana kuwa pamoja milele. Kufuru kubwa kwa Muumba!

WIVU HAUKUKOSEKANA
Katika hali ya kustaajabisha na kuonesha kuwa kigogo huyo amekubuhu kwenye mambo hayo, wakati mwingine akiwa nje ya nchi alidiriki kumuonea wivu kijana huyo ambapo mara kadhaa alituma meseji ya kutishia kumwacha kutokana na kile alichokiita ‘kutoka nje ya ndoa’.

Moja kati ya meseji hizo za fedheha kutoka kwa mheshimiwa huyo, ilimtuhumu Jumbe kuwa ana uhusiano wa kimapenzi na mwanaume mwingine, jambo ambalo kijana huyo alilikanusha na wote kuwekana sawa kwa lengo la kusonga mbele na uhusiano wao.

KIGOGO MZITO AHOJIWA
Baada ya kupata maelezo hayo ya kutisha na kusikitisha, kwa zaidi ya mwezi mzima, gazeti hili lilifanya juhudi za kumtafuta kigogo huyo ili kuweza kupata maelezo yake kuhusiana na mkasa huo.

Hatimaye, kwa namna ya kijasusi, Ijumaa liliweza kumfikia na kummwagia data zote, zikiwemo picha za kijana huyo na nakala ya mawasiliano katika mtandao wa Facebook ambapo alionekana kuduwaa.

Hata hivyo, kutokana na waandishi wetu kufanya mahojiano na kigogo huyo huku wapambe wake wanaomlinda na kumuongoza wakiwepo, haikuwezekana kufungua kila kitu wazi kwa vile mazungumzo hayo yalikuwa yakirekodiwa.

Baada ya kuoneshwa tuhuma zake kwa kutumia nyaraka, mheshimiwa huyo alikiri: “Nazifahamu hizi nyaraka.” Akimaanisha alichokiona kinamhusu kwa asilimia mia moja.

TAHADHARI
Tunapenda kuutaarifu umma kuwa tumeamua kulificha kwa makusudi jina la kigogo huyu ili kuilinda heshima yake ambayo ni kubwa katika jamii yetu. Tutaliweka wazi wakati wowote endapo kati ya mambo haya yatajitokeza.

Mosi, kijana huyo (Jumbe) atadhuriwa. Tunajua nguvu alizonazo mheshimiwa huyu ni kubwa, tunaomba kumfahamisha kwamba tutamuanika hadharani endapo Jumbe atafikwa na matatizo yoyote yasiyo ya kawaida.

Pili, endapo tutathibitisha kuwa anaendelea na mchezo wake huu usiokubalika na mwisho, endapo waandishi waliokwenda kufanya naye mahojiano, ambao yeye na wapambe wake wanawafahamu, watapata madhara yoyote

Chanzo:www.globalpublishers.info

Read More »

Kamanda wa Polisi Kanda Maalum ya Dar es Salaam, Suleimani Kova.

Raia raia watatu wa Nigeria na Mtanzania mmoja wamekamatwa jijijini Dar es Salaam wakitaka kusafirisha dawa za kulevya zenye thamani ya mamilioni shilingi.

Watu hao walikamatwa Machi 18 mwaka huu saa 8:30 mchana katika ofisi za kampuni inayosafirisha mizigo ya kimataifa (DHL) zilizopo mkabala na Mliman City wakiwa na dawa hizo katika kifurushi ambacho ndani yake kilikuwa na vitabu vitatu, kila kimoja kikiwa na dawa za kulevya aina ya heroine zinazokadiliwa kuwa na ujazo wa nusu kilo.


Akizungumza na waandishi wa habari jijini Dar es Salaam jana, Kamishna wa Polisi Kanda Maalum ya Dar es Salaam, Suleimani Kova (pichani) alisema watu hao walikuwa wakisafirisha dawa hizo kwenda nchini Liberia, Afrika Magharibi.

Kova aliwaeleza waandishi wa habari kuwa, watuhumiwa walipohojiwa walisema waliamua kutumia mbinu hiyo kusafirisha dawa hizo kutokana na serikali kudhibiti njia zilizokuwa zimezoeleka.

Alisema uchunguzi dhidi ya tukio hilo unaendelea kufanyika ili kubaini thamani halisi, ujazo pamoja na kuthibitisha aina ya dawa hiyo baada ya Mkemia Mkuu wa serikali kukamilisha taratibu zake.

Katika tukio jingine, Jeshi la Polisi limewakamata watu wawili wenye asili ya Kiasia wanaojihusisha na vitendo vya utekaji nyara jijini Dar es Salaam kwa lengo la kujipatia fedha.

 VIA-NIPASHE.

 

Read More »

Vitenda kazi vyake vikiwa vimemwagwa chini.

Akiwa amevua shati huku akiwa anaombewa akiwa eneo la kanisa.  Jamaa  alikuwa akijihusisha na vitendo vya kishirikina, akiwa chini ya wanamaombi wa kanisa la Ufufuo na Uzima Arusha mara baada ya mtu huyo kukamatwa usiku wa kuamkia leo wakati wa maombi kanisani hapo ambapo ametoa maelezo mbalimbali namna alivyokuwa akishiriki katika vitendo hivyo vya kishirikina.

Vitendea kazi vya jamaa

Katika hali isiyo ya kawaida mtu huyu ajulikanaye kwa jina la Shabani Hamis amenaswa akiwa anafanya uchawi katika kanisa la Ufufuo na Uzima Arusha.

Matukio ya kunaswa wachawi yamekuwa mengi kanisani hapo kutokana na uweza wa Mungu unaojidhihirisha kupitia Mchungaji Kiongozi wa kanisa hilo, Frank Andrew.

Pamoja, na kukutwa bila nguo mtu huyo aliyekuwa amebeba vifaa ambavyo kwa mujibu wa maelezo yake, huvitumia kuwanga na kupaa ni pamoja na tunguli na kikapo cha mkoba wa uchawi. Tukio hilo la aina yake limetokea Usiku wa saa sita, wakati mkesha wa maombi ukiendelea kanisani hapo.

Baada ya maombi makali ya kuharibu uchawi katika anga la Arusha, ikafuatiwa na tukio hilo. Mungu ni mkuuu maana hapana uchawi wala Uganga juu ya watu wa Mungu. 

Picha kwa hisani ya Ufufuo Crew.

Read More »

 Baadhi ya Wachimbaji wadogo katika Mgodi wa Kalole wakihangaika kuwatoa wenzao wanane wanao daiwa kufariki dunia kwa kufukiwa na kifusi ndani ya shimo hilo.

 Wachimbaji Wadogo wakiaangalia sehemu walipofukiwa wenzao wakati wakichimba Dhahabu katika machimbo hayo madogo ya Kalole Wilayani Kahama.

 Haya ni baadhi ya Mashimo ambayo wachimbaji wadogo wamekuwa wakichimba katika Mgodi wa Kalole

 Mjiolojia kutoa Ofisi ya Afisa Madini Mkazi Wilyani Kahama Bw. Amir Chande akitoa maelekezo juu ya kufungwa kwa machimbo hayo baada ya maafa hayo kutokea

 Afisa Mtendaji wa Kijiji cha Kalole Bw. Furaha Mashamba akielezea juu ya kutokea kwa tukio hilo la maafa mbele ya Waandishi wa habari hawapo pichani.

 Mmoja wa Wachimbaiji katika Mgodi wa Kalole akiwa katika jitihada za kuwafukuwa wenzao wanaodaiwa kufukiwa katika machimbo hayo juzi

 Wachimbaji wadogo wa Kalole wakifuatilia kwa makini ufukuaji wa wenzao wanane wanaodaiwa kufia ndani ya mashimo walimokuwa wakichimba dhahabu yaliyofunikwa na kifusi kutokana na mvua kubwa inayoendelea kunyesha katika baadhi ya maeneo ya kanda ya Ziwa.

Majeruhi ambaye alisalimika katika tukio hilo akiwa katika Hospitali ya Wilaya ya Kahama akipatiwa Matibabu

Imechapishwa na raymond mihayo 

Read More »

Mtalaka ambaye ni Raia wa Uingereza Amanda Rodgers ametoa kali ya mwaka baada ya Kufunga Ndoa na Mbwa wake kipenzi aliyempa Jina la Sheba baada ya kudai kuwa na mapenzi ya dhati na Mbwa wake huyo kwa muda mrefu sasa.


Amanda Rodgers ameolewa na Mbwa wake huyo (Sheba ) katika harusi iliyofana kwa namna ya kipekee huko Nchini Croatia katika hafla iliyohudhuriwa na watu takribanni 200.

Amanda Rodgers Akiwa na Mumewe Sheba akimpiga busu

Mtalaka huyo wa miaka 46 aliyekuwa amevalia kigauni chenye rangi nyeusi huku bwana harusi ambaye ni mbwa akiwa amevalia Shela Jeupe. Wapendanao hao walionekana kuwa na Nyuso za furaha huku Amanda Rodgers Akisisitiza kuwa Aliamua kufanya Uamuzi huo baada ya Kutengana na mumewe wa Ndoa miaka 20 iliyopita.

Amanda Rodgers Aliendelea kwa kusema:

“Mbwa huyu(Sheba) Nimekuwa nae Maishani kwa kipindi kirefu sana, yeye ndiye ambaye ananifanya nicheke, nifurahi na kunituliza pindi ninapojisikia vibaya”

 Wanandoa hao wakiwa pamoja baada ya Kufunga harusi

Sheba na Amanda Rodgers walimaliza harusi yao na kurejea Nyumbani kuendelea na Maisha ya Unyumba.

Read More »

Kadi feki za CHADEMA alizokutwa nazo

Diwani wa viti maalumu wa Chama cha Mapinduzi kata ya Kalangalala na tarafa ya Geita wilayani Geita mkoani Geita Zaitun Sued Fundikira  anayeishi katika mtaa wa Mission .

Kadi feki za CHADEMA zikiwa na saini ya mwenyekiti wa CHADEMA taifa Freeman Mbowe

Diwani wa viti maalumu wa Chama cha Mapinduzi kata ya Kalangalala na tarafa ya Geita wilayani Geita mkoani Geita Zaitun Sued Fundikira  anayeishi katika mtaa wa Mission amekamatwa na kadi za kugushi za Chama cha Demokrasia na Maendeleo (CHADEMA).

Kadi zilizogushiwa ni 23 zikiwa na saini ya mwenyekiti CHADEMA taifa Freeman Mbowe,kadi ambazo hazijaandikwa chochote katika baadhi ya sehemu kama vile jina la mwanachama na sehemu anayokaa.

Wakisimulia juu ya tukio hilo mashuhuda walisema kuwa mnamo saa nne asubuhi alitokea mtoto mmoja akiwa na kadi za Chadema amezishika mkononi akitembea nazo mtaani na kutokeza katika kijiwe cha Kalakana ya wakereketwa wa Chadema maarufu kama “Kijiwe cha Sengerema” ndipo walipomuona mtoto huyo walipomuuliza akasema kuwa amezitoa ndani kwani zimo nyingi sana.

Mara baada ya kuambiwa hivyo wakamwambia mtoto huyo awapeleke na mtoto huyo aliongozana nao hadi nyumbani kwa diwani huyo na walipofika ,mtoto aliingia ndani na kuwaletea kadi nyingi mkononi huku akiwa na mkoba umejaa kadi zingine.

Muda mchache tu baada ya mtoto kutoka na kadi hizo huku wakereketwa hao wakizichukua ghafla diwani huyo alijitokeza nje huku akihaha na kufoka kuwa hizo kadi hazijui.

 “Nashangaa mimi kadi hizi sizijui kabisa licha ya kuwa kwenye mkoba wangu lakini sijui nani aliyeziweka humu,na mwandishi yeyote atakayeniandika nitamshtaki’’,alieeleza diwani huyo.

Taarifa za kuaminika kutoka kwa wananchi wamesema kuwa diwani huyu amekuwa akiratibu shughuli mbalimbali za kutaka kudhoofisha Chadema katika eneo hilo ambapo inadaiwa kuwa hadi kombati za Chadema zimeshaandaliwa ikiwa ni pamoja na kadi hizo feki kwa ajli ya kuhakikisha ujio wa aliyekuwa naibu katibu mkuu wa Chadema Zitto Kabwe atakapokuja kanda ziwa wapewe watu kadi hizo na kuvulishwa kombati za chama ili watamke kuwa wamejitoa Chadema.

Mwenyekiti wa mtaa wa mission  anakoishi diwani huyo wa viti maalum,Juma Kajala amethibitisha kutokea kwa tukio hilo.

Baadhi ya watu wamesema kuwa diwani huyo amekuwa akiratibu mambo mengi lakini cha ajabu wamemshangaa kugushi hadi sahihi za mwenyekiti wa CHADEMA taifa wakati mwenyekiti taifa hagawi kadi .

Uchunguzi umebaini kuwa hata ndani ya chama cha mapinduzi mtoa taarifa amesema kuwa diwani huyo aliwahi kuteuliwa kuwa katibu wa jumuiya ya wanawake wilayani Geita lakini baadae uteuzi wake ulisitishwa mara moja baada ya kubaini kuwa mienendo yake siyo mizuri hivyo hadi CCM walishamshtukia.

Naye kaimu katibu wa mkoa wa Chadema Rogers Luhega alisema kuwa wa tayari taarifa hizo wameshazipeleka katika kituo cha polisi Geita na kufungua jalada  la mashitaka kwa ajili ya kumshitaki diwani huyo.

Na Valence Robert- Geita.

Read More »

Mvutano Mkubwa Bado Umetawala Bunge Maalum Linaloendelea Mkoani Dodoma Hali Iliyopelekea Mwenyekiti wa Muda wa Bunge Hilo Mhe. Pandu Kificho Kuliahirisha Bunge Hilo Mchana Huu Mpaka saa Kumi Jioni.

 

Mvutano Mkubwa Upo namna ya Kupitisha Kanuni ya Kuongoza Kanuni hiyo, Kanuni Kuhusu Maamuzi ya Bunge Maalum la Katiba Yapitishwe kwa Kura ya Siri ama ya Wazi. 

 

Mvutano huo umetokea pale Kundi Moja waliposema Ipigwe Kura ya Kuamua Bunge Hilo Kutumia Kura ya Siri ama ya Wazi Ndipo Majibizano yalipoanza Yakiambatana na Kuzomea kwa Baadhi ya Wajumbe walipopewa nafasi ya Kuzungumza.

 

Bunge Hilo Limepitisha kanuni zote kwa asilimia 95 zilizobaki ni mbili tu lakini uamuzi wake unaleta Mvutano Mkubwa sana Katika Bunge hilo.

 

credit - dj sek:

 

Read More »